Connect with us

ព័ត៌មានជាតិ

សូមប្រុងប្រយ័ត្ន! ជិះល្បឿន៦០Km/hបានហើយព្រោះផ្លូវល្បឿនលឿនកែលម្អជួសជុលភ្លើងហ្វានៅស្ថានីយទូទាត់ប្រាក់

ក្រុមហ៊ុន ខេមបូឌាន ភីភីអេសអេចវី អ៊ិចប្រេសវ៉េ ឯ.ក បានចេញសេចក្តីជូនដំណឹងស្តីពីការកែលម្អ រុះរើ និងជួសជុលភ្លើងហ្វានៅស្ថានីយទូទាត់ប្រាក់នៃផ្លូវល្បឿនលឿនភ្នំពេញ-ក្រុងព្រះសីហនុ។

Published

on

ក្រុមហ៊ុន ខេមបូឌាន ភីភីអេសអេចវី អ៊ិចប្រេសវ៉េ ឯ.ក បានចេញសេចក្តីជូនដំណឹងស្តីពីការកែលម្អ រុះរើ និងជួសជុលភ្លើងហ្វានៅស្ថានីយទូទាត់ប្រាក់នៃផ្លូវល្បឿនលឿនភ្នំពេញ-ក្រុងព្រះសីហនុ។ ក្រុមហ៊ុនផ្លូវ ល្បឿនលឿនភ្នំពេញ-ព្រះសីហនុ បានឱ្យដឹងថា ដើម្បីធានានូវភាពរលូននៃគ្រឿងបរិក្ខារបំភ្លឺផ្លូវនៅលើផ្លូវល្បឿនលឿនភ្នំពេញ-ក្រុងព្រះសីហនុ ក៏ដូចជាពង្រឹងសុវត្ថិភាពលើការធ្វើដំណើរនាពេលយប់ដល់អតិថិជន។ ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ នឹងធ្វើការកែលម្អ រុះរើ ព្រមទាំងជួសជុលភ្លើងហ្វានៅតាមស្ថានីយមួយចំនួនដូចជា៖ ស្ថានីយទូទាត់ប្រាក់ភ្នំពេញ ស្ថានីយទូទាត់ប្រាក់កំពង់ស្ពឺខាងកើត ស្ថានីយទូទាត់ប្រាក់ស្ទឹងហាវ និងស្ថានីយទូទាត់ប្រាក់ក្រុងព្រះសីហនុ ដោយការកែលម្អនេះនឹងធ្វើឡើងនៅក្នុងបរិវេណទីធ្លាច្រកចេញចូលនៃស្ថានីយទូទាត់ប្រាក់ដូចដែលបានជម្រាបជូនខាងលើ។

ក្នុងរយៈពេលនៃការកែលម្អនេះ ក្រុមហ៊ុនបានស្នើឱ្យអតិថិជនដែលធ្វើដំណើរឆ្លងកាត់ទីតាំងដែលកែលម្អ រុះរើ ព្រមទាំងជួសជុលភ្លើងហ្វានៅតាមស្ថានីយទាំងនោះ ឱ្យបន្ថយល្បឿនបើកបរមកត្រឹម ៦០ គីឡូម៉ែត្រក្នុងមួយម៉ោង ព្រមទាំងបើកបរប្រកបដោយការប្រុងប្រយ័ត្នខ្ពស់។ ចំពោះការកែលម្អនេះនឹងចាប់ផ្តើមនៅថ្ងៃទី១៨ ខែកុម្ភៈ ឆ្នាំ២០២៥ រហូតដល់ថ្ងៃទី១៨ ខែមីនា ឆ្នាំ២០២៥។

សូមជម្រាបថា ផ្លូវល្បឿនលឿនភ្នំពេញ-ព្រះសីហានុ​ បានកំណត់ល្បឿនបើកបរ​» ល្បឿនទាបបំផុត(អប្បបរមា) និងលឿនបំផុត(អតិបរមា )​ដូចជា៖ទី១៖​ ល្បឿន 60 – 120km/h រថយន្តគ្រួសារ/ធុនស្រាល ទី២៖​ ល្បឿន 60 – 100km/h រថយន្តធុនធ្ងន់មិនមានសណ្តោងសឺម៉ីរ៉ឺម៉ក ឬម៉ូតូ500cc/27kWឡើងទៅ និងទី៣៖​ ល្បឿន 60 – 80km/h រថយន្តសណ្តោងសឺម៉ីរ៉ឺម៉ក ឬសណ្តោងយានដំណើរកំសាន្ត។ ករណីផ្លូវកោងច្រកចូលចំហៀងទៅផ្លូវល្បឿនលឿន អ្នកបើកបរត្រូវបានកំណត់ឱ្យបើកបរត្រឹមតែ 40km/h ប៉ុណ្ណោះ រួចទើបត្រូវបង្កើនល្បឿនដល់ 60km/h។ ដោយឡែកកន្លែងដែលចាំបាច់ត្រូវបន្ថយល្បឿន ក៏ត្រូវបានដាក់នូវគំនូសរំញ័រ(Rumble Stripes) ដើម្បីដាស់តឿនដល់អ្នកបើកបរផងដែរ។ ដោយ៖ភ័ក្រ្តា

Sokha Hotels
ព័ត៌មានជាតិ1 month ago

សម្តេចធិបតីអំពាវនាវឱ្យពលរដ្ឋខ្មែរប្រើប្រាស់ពាក្យសម្ដីជាមួយអ្នកដទៃដោយការគោរពគ្នាទៅវិញទៅមក និងប្រកាន់ខ្ជាប់នូវសីលធម៌

ព័ត៌មានជាតិ2 months ago

២សប្តាហ៍! សមត្ថកិច្ចបង្ក្រាបបទល្មើសក្មេងទំនើងជិត២០ករណីនិងឃាត់ខ្លួនមនុស្សជាង៦០នាក់!

ព័ត៌មានជាតិ2 months ago

ស្នងការបន្ទាយមានជ័យបដិសេធការផ្សាយថាមន្ត្រីច្រកទ្វារបឹងត្រកូនកំពុងសើមមាត់សើមកពីការទទួលសំណូករបស់ឈ្មួញនាំចូលទំនិញគេចពន្ធពីថៃ

ព័ត៌មានជាតិ2 months ago

សូមប្រុងប្រយ័ត្ន! ជិះល្បឿន៦០Km/hបានហើយព្រោះផ្លូវល្បឿនលឿនកែលម្អជួសជុលភ្លើងហ្វានៅស្ថានីយទូទាត់ប្រាក់

ព័ត៌មានជាតិ2 months ago

DissចុះDissឡើងពេលនេះក្រសួងឱ្យបញ្ឈប់ការច្រៀងចម្រៀងដែលមានខ្លឹមសារគ្រោតគ្រាតនិងត្រូវលុបរាល់ស្នាដៃអវិជ្ជមាន