ឆ្នាំ២០២៤! ការប្រើប្រាស់រថយន្តអគ្គិសនីកើតឡើងជាង៦០០ភាគរយ

លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឱ្យដឹងថា នៅឆ្នាំ២០២៤ មានរថយន្តអគ្គិសនី
(EV) ចុះបញ្ជីសរុប ២.២៥៣គ្រឿង កើនលើសឆ្នាំ២០២៣ ចំនួន៦២០ភាគរយ (ឆ្នាំ២០២៣ ចំនួន​៣១៣គ្រឿង)
ខណៈដែលត្រីចក្រយាន និងទោចក្រយាន ក៏មានការកើនឡើងផងដែរ។

អ្នកនាំពាក្យក្រសួងសាធារណការ បានគូសបញ្ជាក់ថា ប្រជាពលរដ្ឋមានសុទិដ្ឋនិយមច្រើន និងបង្ហាញការចាប់អារម្មណ៍
ខ្ពស់ចំពោះការប្រើប្រាស់យានយន្តអគ្គិសនី ដែលជានិន្នការថ្មី បើប្រៀបធៀបជាមួយការប្រើប្រាស់យានយន្តប្រើប្រាស់
ប្រេងឥន្ទនៈចំហេះក្នុងដែលជានិន្នាការចាស់។ លោកថា ការប្រើប្រាស់យានយន្តអគ្គិសនី ត្រូវបានគេមើលឃើញថា
ចំណាយប្រចាំថ្ងៃតិច ,ផាសុភាព, កម្រិតបំពុលក្នុងបរិយាកាលទាបបំផុត។ ក្រុមហ៊ុនយានយន្តខ្លះបានអះអាងពីកម្រិត
នៃការបំភាយឧស្ម័នពុលកម្រិតសូន្យថែមទៀត។

ជាការកត់សម្គាល់ ទន្ទឹងនឹងនិន្នាការកើនឡើងនៃការប្រើប្រាស់រថយន្តអគ្គិសនីនេះ រាជរដ្ឋាភិបាល តាមរយៈក្រសួងសាធារណការ និងដឹកជញ្ជូន និងក្រសួងស្ថាប័នពាក់ព័ន្ធនានា បានប្រឹងប្រែងធ្វើឱ្យប្រសើរឡើងចំនួនស្ថានីយសាកអាគុយកាន់
តែច្រើន និងលក្ខណ្ឌអំណោយផលផ្សេងៗទៀតកាន់តែប្រសើរ៕ ដោយ៖ ភ័ក្រ្តា