រដ្ឋមន្រ្តីកសិកម្មលើកទឹកចិត្តកសិករឱ្យកាត់បន្ថយការដាំពូជស្រូវនាំចូលពីបរទេសជំនួសដោយការដាំពូជស្រូវក្នុងស្រុក

លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកទឹកចិត្តដល់ប្រជាកសិករ
ឱ្យកាត់បន្ថយការដាំនូវពូជស្រូវនាំចូលពីបរទេស ជំនួសដោយការដាំពូជស្រូវក្នុងស្រុកដូចជា សែនក្រ
អូប ផ្ការំដួល ចំប៉ីស៧០ជាដើម ដែលមានតម្រូវការតាមរោងម៉ាស៊ីនកិនស្រូវក្នុងស្រុក និងមានតម្លៃ
ខ្ពស់ក្នុងទីផ្សារ។ លោករដ្ឋមន្រ្តី លើកឡើងបែបនេះក្នុងឱកាសជួបសំណេះ សំណាលជាមួយកសិករ
ផលិតស្រូវ និងផ្សព្វផ្សាយពីការចងក្រងសហគមន៍កសិកម្មទំនើប នៅភូមិតាលោ ឃុំតាលោ ស្រុកតា
លោសែនជ័យ ខេត្តពោធិ៍សាត់ កាលពីថ្ងៃទី១៩ ខែមករា ឆ្នាំ២០២៥។

ក្នុងជំនួបសំណេះសំណាលនេះ លោករដ្ឋមន្ត្រី បានថ្លែងថា សហគមន៍កសិកម្មទំនើប ជាមធ្យោបាយ
ដ៏សំខាន់ក្នុងការជួយដល់ប្រជាកសិករទូទាំងប្រទេស ដោយមានផែនការផលិតកម្មច្បាស់លាស់ ដឹង
ពីតម្រូវការ និងការផ្គត់ផ្គង់ មានកិច្ចសន្យាផលិតកម្មត្រឹមត្រូវ ទទួលបានកម្ចីការប្រាក់ទាបមានការ
គាំទ្របច្ចេកទេសពីក្រសួង និងមានទីផ្សារពិតប្រាកដ។

លោករដ្ឋមន្ត្រី បានគូសបញ្ជាក់ថា សហគមន៍កសិកម្មថ្មីនេះពិតជាផ្តល់ផលចំនេញជាច្រើនដល់ប្រជា
កសិករ ក្នុងការកាត់បន្ថយថ្លៃដើមផលិត ទទួលបានការណែនាំពីក្រសួងកសិកម្ម ពាក់ព័ន្ធនឹងការប្រើ
ប្រាស់ធាតុចូលកសិកម្ម ដឹងពីការប្រើប្រាស់ទឹកស្របតាមទំហំផ្ទៃដីផលិតកម្ម និងមានហានិភ័យទាប
ពីការប្រែប្រូលអាកាសធាតុ ប្រការសំខាន់ត្រូវមានការសហការរួមគ្នា គោរពវិន័យ និងច្បាប់លក្ខន្តិកៈ
របស់សហគមន៍​ដើម្បីទទួលបានផលចំនេញទាំងអស់គ្នា និងមាននិរន្តរភាព។

ជាមួយគ្នានេះលោករដ្ឋមន្រ្តីកសិកម្ម ក៏បានក្រើនរំលឹកដល់ប្រជាកសិករអំពីបុណ្យចូលឆ្នាំប្រពៃណីចិន និងវៀតណាមខាងមុខនេះ ដែលអាចមានការផ្អាកប្រមូលទិញស្រូវពីសំណាក់ឈ្មួញវៀតណាម។ ទោះបីជាយ៉ាងណា រាជរដ្ឋាភិបាលដែលមានក្រសួងកសិកម្ម ជាសេនាធិការលើរឿងនេះ បានសហ
ការជាមួយវិស័យឯកជនដូចជារោងម៉ាស៊ីនកិនស្រូវ ជួយអន្តរាគមន៍ដល់ប្រជាកសិករទាំងអស់អាចលក់
ផលស្រូវបាន​ និងទទួលបានការសង្គ្រោះទាន់ពេលវេលា៕ ដោយ៖ ភ័ក្រ្តា